Бил Гејтс ги опоменува оние кои тргуваат со криптовалути
Објавено во: Економија 28 Февруари, 2018
Еден од најбогатите луѓе на светот, Бил Гејтс, ги предупреди луѓето кои инвестираат во криптовалути дека треба да бидат поодговорни.
Гејтс објаснува дека тие самите си наштетуваат не само на себе, туку и на човештвото.
„Најважниот дел од трговијата со криптовалути е нивната анонимност, но јас не мислам дека тоа е добра работа. Способноста на владата да пронајде шеми на перење пари и даночни затајувања е добра работа. Во моментов голем дел од криптовалутите се користат за купување дрога и оружје, што резултира со убиство на луѓе на многу директен начин. Мислам дека ризикот од криптовалутите е огромен“- вели Гејтс.
Иако криптовалутите звучат безопасно, сепак нивната можност да останат анонимни при трансакциите може да биде злоупотребена, посебно во свет каде купувањето недозволени работи на интернет е толку лесно и брзо.
Во поголемиот дел од откривањата на дилери на дрога и оружје тоа се должи на следење на нивните парични трансакции, а со тајноста на паричните трансакции на криптовалутите, тоа ја отежнува работата на Владата.