Билд: Германија ќе ги зголемува пензиите
Објавено во: Свет 26 Ноември, 2012
Германската Влада планира во следните четири години значително да ги зголеми пензиите, објави Билд.
Весникот не напоменувајќи за извор на веста, тврди дека се очекува Владата на 28 ноември да одобри зголемување на пензиите. Конзервативната Влада планира зголемување на пензиите за 8,27 отсто во западните покраини до 2016 година и 11,01 отсто во покраините кои некогаш беа во состав на источна Германија.
Билд објави дека во 2013 година пензионерите во источните покраини ќе добијат пензии повисоки за 3,49 отсто што е најмногу од 1997 година додека во западните само еден отсто, а во 2015 - 2,55 отсто. Доколку биде потврдено, тоа ќе биде најголемо зголемување на пензиите од 1993 година.