21 Мај, 2019
0.0219

БИЛЈАНА ВАСИЛЕВА ТРЕНДАФИЛОВА, ДЕВОЈЧЕТО ОД „БУШАВА АЗБУКА“: Бевме деца, но имавме сериозни задачи

Објавено во: Стил 20 Април, 2019

Уште од мали нозе имаше привилегија да соработува со професионалци и првите ѕвездени моменти ги имаше токму како дете. Новинарката Билјана Василева Трендафилова, на екраните е присутна уште од најмала возраст. Како член на детското драмско студио на МРТВ под раководство на Софија Гогова Врчкаковска имаше можност да глуми во култната македонска серија „Бушава азбука“. Забележителни улоги доби и во проектите „Шарам барам“, „Чук чук Стојанче“ и „Втората смена“. Уште тогаш научила дека појавувањето пред камерите не трпи импровизација. Вели дека се работело по сите професионални телевизиски стандарди и затоа во етерот се испорачувале висококвалитетни производи.

- Едноставно немаше простор за импровизација. Се разбира имаше многу забава и игра, но без разлика што бевме деца ние имавме сериозни задачи и од нас се бараше да работиме посветено. Лекциите кои што ги научив таму, се најважните лекции по кои се водам и денес. Таму ја поставив мојата основа како ТВ-лице и се разбира таму се роди љубовта кон новинарската професија. Мислам дека единствената разлика оттогаш и денес се само темите поради кои се појавував на екранот. Ако како дете тоа беше азбуката или некои детски досетки, денес се економските анализи и политиката. Можеби има мала разлика во однос на магијата со која што ја доживував телевизијата како дете, кога ги гледав сите тие луѓе кои работеа на емисиите, давајќи ми чувство дека сум дел од нешто големо и прекрасно. Со годините, магијата сѐ повеќе се претвораше во професионални обврски. Таа и денес е тука и не е целосно исчезната, но, сѐ изгледа помагично кога го гледаш со детски очи – раскажува Трендафилова. 

Трендафилова: Сѐ изгледа помагично кога го гледаш со детски очи

Отсекогаш повеќе ја фасцинирало тоа што се работи внатре во телевизијата, отколку фактот дека јавната професија со себе си носи и некаков тип на популарност.

 - Се разбира дека кога бев мала знаев да се израдувам во моментите кога ќе ме препознаеа на улица со зборовите „Еве го девојчето од Бушавата азбука“, детето од „Шарам Барам“, но главниот мотив отсекогаш ми бил самиот процес на создавање на една емисија или подоцна на креирање на една новинарска сторија. Во тој дел многу поважно ми е кога некој мој гледач ќе ме застане и ќе ме препознае по некоја тема која што сум ја отворила и добијам пофални зборови за начинот на кој истата сум ја сработила, отколку само голото препознавање на улица дека сум ТВ-лице – објаснува таа.

Ѓ.С.


Можеби ќе ве интересира

Нема да бидам ѓубре и ќе оставам половина од медот за пчелите: Интервју со Дритон Вејсели

Нема да бидам ѓубре и ќе оставам половина од медот за пчелите: Интервју со Дритон Вејсели

ФИРОМ ти си гордост наша?!

ФИРОМ ти си гордост наша?!

(ФОТО) Од аеродром на матура: Гиговска цела во розево!

(ФОТО) Од аеродром на матура: Гиговска цела во розево!

(ГАЛЕРИЈА) ЕКСПЛОЗИЈА НА БОИ: Women'secret костими за капење 2019

(ГАЛЕРИЈА) ЕКСПЛОЗИЈА НА БОИ: Women'secret костими за капење 2019

Крени рачна!

Крени рачна!

Свирев гитара за да преживеам, а сега луѓето ме плаќаат за луксузни парфеми: Интервју со Паоло Терензи

Свирев гитара за да преживеам, а сега луѓето ме плаќаат за луксузни парфеми: Интервју со Паоло Терензи

200 милиони ги видоа Илина и Мимоза: Приказната за фотографијата на видеобимот зад Тамара

200 милиони ги видоа Илина и Мимоза: Приказната за фотографијата на видеобимот зад Тамара

Хана е во Гевгелија, едвај чека да се врати мајка ѝ: Тијана за „Женски Магазин“

Хана е во Гевгелија, едвај чека да се врати мајка ѝ: Тијана за „Женски Магазин“

Тамара: Возбудена сум и горда, вечерва ќе го дадеме максимумот

Тамара: Возбудена сум и горда, вечерва ќе го дадеме максимумот