Бислимовски: Работиме на воведување уште еден час евтина тарифа на струја
Објавено во: Економија 24 Мај, 2024 13:51
Намалениот увоз на струја поради производството на фотоволтаични централи наскоро може да ги намали нејзините цени за домаќинствата, најавува Марко Бислимовски, претседателот на Регулаторната комисија за енергетика, кој вели дека во моментов се работи на дополнување на евтината тарифа на електрична енергија за домаќинствата со уште еден час.
Тој вели дека во моментов треба да се направи вистинска анализа за да се покаже дали постои можност евтината тарифа на струјата да се прошири за еден час, односно до 16 часот.
„Проширувањето на евтината тарифа го правиме за да се искористи евтината цена на електричната енергија во тие периоди. Исто тако, со тој сигнал што го испраќаме до ЕСМ и до ЕВН Хоум, да купуваат електрична енергија во тие периоди, особено ЕВН Хоум, ние ќе обезбедиме и пониска цена на електрична енергија која сосема е возможно да ни обезбеди и намалување на цената на електричната енергија за домаќинствата“, вели Бислимовски во најавеното интервју за Радио Слободна Европа.
Во моментов евтината тарифа на струјата е од 13 до 15 часот. Новата цена на струјата Регулаторната комисија ќе ја донесе на крајот на јуни и тогаш ќе се знае дали и колку ќе има намалување на цената на струјата.
Дополнително охрабрувачки за РКЕ е тоа што се очекува нето увозот на електрична енергија да биде низок и во текот на целата 2024 година.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
