Добивај вести на Viber
Грција и Турција - соседи и историски непријатели, ги делат истите сини води на Егејското Море, вкусна храна и древни урнатини, макар што само една од двете земји заработува повеќе на туристичкиот фронт.
Иако е речиси во економски колапс, состојбата на Грција не влијаеше на привлекувањето на туристи, но близината на Турција кон воената зона во Сирија и заканата од терористички акти се покажаа вистински проблем, пишува Bloomberg.
Ова лето ситуацијата не изгледаше воопшто добра за Грција. Сепак туристите кои бараат сончеви плажи и острови, ги наполнија џебовите со пари и се упатија назад. Јули се покажа како рекорден месец, покажуваат последните статистички податоци.
Сосема близу, источно од грчките острови, се наоѓа Турција, чија економија расте, но туризмот не се радува на добри резултати оваа година.
Бројот на туристите кои пристигнуваат на турските аеродроми, почна да опаѓа во април. Во земјата имаше ескалација на насилството, кое достигна кулминација со нападот врз дворецот Долмабахче - една од најпопуларните туристички атракции во Истанбул. Овој инцидент го рашири стравовите кај странските туристи, кои сметаат дека може да се најдат на погрешно место во погрешно време.
Други фактори исто така натежнуваат на туризмот. Турција беше една од најдобрите туристички дестинации за Русите. Колапсот на рубљата значи дека многумина веќе не можат да си дозволат да ја посетат земјата.
Посетителите кои доаѓаат од Русија, се намалиле за 24% во првите шест месеци од 2015 година во однос на истиот период минатата година, покажуваат податоците на Министерството за култура и туризам на Турција.
Дури Турците одат на одмор во Грција, каде што цените се намалија значително во споредба со оние во Турција.
Обработка:К.К.
Извор: Bloomberg