БИТКА ЗА ОБЛАСТ БОГАТА СО НАФТА: Што договорија Гвајана и Венецуела?
Објавено во: Свет 15 Декември, 2023
Изгледа дека се смируваат тензиите во Јужна Америка. Гвајана и Венецуела се договорија дека ќе избегнат конфликт.
Преговорите ќе продолжат во следните три месеци, најверојатно во Бразил, а истовремено случајот го разгледува Меѓународниот суд на правдата.
Двете земји вчера се договорија да избегнат каква било употреба на сила и да не ги ескалираат тензиите во нивниот долгогодишен спор околу областа богата со нафта Есекибо, пишува Ројтерс.
Есекибо, кој ја зафаќа скоро половина Гвајана, има површина од 160.000 квадратни километри и во голем дел е покриен со џунгли. Иако е признаен како дел од Гвајана, во последниве години Венецуела се заинтересира за регионот откако се откри дека под почвата има големи количини нафта и гас. Тензиите се зголемија откако претседателот на Венецуела, Николас Мадуро најави дека ќе копа за нафта.
Венецуела неодамна организираше неуспешен референдум со мала излезност за тоа дали граѓаните сакаат Венецуела да го припои регионот. Сепак, од оние кои се појавија да гласаат, повеќе од 90 отсто се „за“. Ова ги зголеми стравувањата од можен конфликт, а Гвајана, Венецуела, и Бразил ги активираа своите војски на границите со Гвајана.