Добивај вести на Viber
Руската нафтена компанија „Роснефт“ изразила подготвеност да учествува во Владината програма за планирана замена на приходите во рубљи доколку за тоа добие наредба, истакнал претставник на оваа компанија.
„Роснефт, е во контакт со федералните власти и во потполност ги исполнува насоките кои ги одредува Владата“, се вели во изјавата, пренесуваат руските медиуми.
Весникот „Комерсант“ објави дека денеска Владата ќе издаде наредба до најголемите извозници „Газпром“, „Роснефт“, „Алроси“, „Зарубежнефт“ и „Кристал“ да ги заменат своите приходи во рубљи со што би се осигурал извор на стабилно обезбедување од околу една милијарда долари на домашниот пазар за време на санкциите.