Бизнисменот Кирил Гогов му ги предаде маркетите на Кит-Го на косовската Вива Фреш
Објавено во: Економија 31 Мај, 2023 07:45
Штипскиот бизнисмен Кирил Гогов од вчера повеќе не е сопственик на ланецот маркети Кит-Го, откако официјално заврши превземањето од страна на косовската компанија Вива Фреш. Тоа е објавено и во Централен регистар по поднесена пријава.
Управувањето на местото на Гогов го превзема Кораб Хоџа од Приштина, а засега нема преименување на називот на компанијата. Вива Фреш е косовска компанија која се занимава со малопродажба во Косово и регионот, а најголема инвестиција во Македонија му е превземањето токму на Кит-Го кое траеше повеќе од една година.
Кит-Го редовно е меѓу првите ланци маркети со најголеми приходи во Македонија и во изминатите години редовно бележи обрт од околу 60 милиони евра. Од она што е познато со Гoгов е дека својот интерес сега го насочува кон производството на електрична енергија од обновливи извори.
Косовската компанија Вива Фреш договорот за купување на ланецот маркети Кит-Го го постигна оваа година, откако речиси по една година Комисијата за заштита на конкуренција даде дозвола да се овозможи превземањето.
Неофицијално, Вива Фреш за сите маркети на Кит - го ќе искешира над 50 милиони евра. Косовската компанија веќе поседува еден хипермаркет во скопско Топанско Поле. На светскиот пазар во 2021година Вива Фреш има остварено вкупни приходи во износ од 223.737.171 евра, од кои во Македонија се 6.896.598 евра.
КИТ-ГО Штип во Македонија има 58 маркети од кои 5 се лоцирани во Скопје. Со превземањето, Вива Фреш на пазарот со малопродажба ќе има концентрација од 13,22 отсто, според Комисијата за заштита од конкуренција.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Мицкоски: Економијата мора да излезе од замката на ниски плати
Миќовиќ за НИС и рафинеријата: Одлична можност фабриката во Панчево да се врати во српски раце
Милијардерите наследуваат рекордно ниво на богатство
Страв од вештачка интелигенција: Младите луѓе се префрлаат во квалификувани занаети
Кој е 10 пати побогат по изборната победа на Трамп: Се работи за еден од наследниците, а еве од што се збогатува
Директорот на НИС им се обрати на вработените: Еве што се случува со продажбата на компанијата
Еден од клучните генератори на побарувачката за биткоин оваа година моментално е во големи проблеми
ДО КОГА МОЖЕ ДА ИЗДРЖИ СРБИЈА? Вучиќ за ситуацијата со НИС: Сигурен сум дека Русите ќе се договорат
Планот на Нетфликс да го купи Ворнер Брос. ја фрла театарската индустрија во превирања
