Блумберговата листа на најбогати жени на светот
Објавено во: Стил 22 Мај, 2013
Само 11 жени се најдоа на листата сто најбогати луѓе на светот која ја прави Блумберг. Најбогата жена на светот е Кристи Волтон, која се најде на деветто место. Богатството на вдовицата на Џон Волтон, во чија сопственост се 12 отсто од акциите на компанијата, се проценува на 37,7 милијарди долари.
Втора најбогата жена на светот е Алис Волтон, роднина на Крис Волтон со богатство од 34,6 милијарди долари и е 12-та на листата. Трета најбогата жена на светот и единствена Французинка е 90-годишната Лилијан Бетанкур, наследничка на козметичката куќа „Лореал“, со богатство од 30 милијарди долари.
Четврта најбогата жена е 68-годишната Американката Жаклина Марс која ја води втората најголема компанија за производство на торти „Марс Инк.“, и има богатство од 21,9 милијарди долари.
На петто место е вдовицата Ирис Фонтбон која потекнува од Чиле и има 19,9 милијарди долари во наследените рудници за бакар.
Престижната листа ја дополнуваат Џорџина Рајт со 17 милијарди долари, Германката Сузан Клатен со 14,3 милијарди долари и солидно учество во компанијата БМВ и Миучија Прада, внуката на основачот на модната куќа „Прада“ која тежи над 12 милијарди долари.
