„Боинг 747“ со 400 патници кружи над Лондон – не може да слета поради дефект во тркалата

Добивај вести на Viber

Трансатлантскиот авион „Вирџин Атлантик“, кој полетал од лондонскиот аеродром „Гетвик“ и требало да патува до Лас Вегас, доживеа дефект на десното тркало за време на полетувањето и во моментов кружи над Англија додека техничарите да смислат начин за безбедно слетување. Авионот од типот „Боинг 747“ пренесува 400 патници. Веднаш по полетувањето го променил правецот и почнал да се враќа кон Лондон, откако пилотот забележал дека има дефект на десното тркало, со што во функсија останало само едно тркало, а на тој начин авионот не може да слета. Авионот лета над аеродромот „Гетвик“ со цел инженерите да добијат целосна слика  во состојбата на леталото. Сведоци изјавиле дека од непознати причини десното тркало откажало и сега авионот гружи се додека не го потроши целото гориво по што ќе биде приморан на принудно слетување кое секако е побезбедно доколку резервоарот на авионот е празен. Портпаролот на аеродромот во „Гетвик“, кратко потврдил дека авионот се вратил на појдовната точка поради технички проблеми, а „Вирџин Атлантик“ наскоро бо требало да издаде службено соопштение по повод кризата која се случува на висина од 10 илјади метри. „Службите на итната помош и полицијата веќе се распоредени на аеродромот како мерка на претпазливост“, изјавил портпаролот на „Гетвик“.