Добивај вести на Viber
Босна и Херцеговина е државата која има најголеми шанси во целиот свет да банкротира во следната година, проценува Јуромани. Проценката била направена откако со банкрот се соочи Аргентина заради неможност да ги исплати своите доверители.
Анализите покажале дека следна со најголем ризик според овој модел е Босна и Херцеговина, кај која постои веројатност од 27,4% да банкротира во следните 12 месеци.
Како причини за можниот банкрот на земјата се наведуваат поплавите заради кои земјата дополнително се задолжува, високата стапка на невработеност, корупцијата и континуираната политичка нестабилност.
На врвот на листата на земји на кои им се заканува банкрот се и Венецуела, Руанда, Пакистан, Аргентина, Бангладеш, Египет и Грција.
Сепак меѓународните рејтинг агенции на Босна и Херцеговина и натаму и даваат рејтинг Б, додека повеќето од земјите кои се наоѓаат во ризик за банкрот имаат рејтинг Ц.