Брат Љубе влегува во кабинетот на премиерот Заев?
Објавено во: Македонија 22 Март, 2018
Се повеќе се шири информацијата дека Љубе Бошкоски ќе ја добие првата официјална дрќавна позиција во новата вкада на премиерот Зоран Заев. Наводно лидерот на Обединети за Македонија би требало да стане новиот посебен советник за странски инвестиции на претседателот на владата на РМ.
Ваквата информација засега нема официјална потврда од двете страни. Сепак, во тек е јавен оглас објавен од страна на владата на кој се бараат шест нови посебни советници на премиерот Заев за плата до 50.000 денари со многу „интереси“ и услови кои се бараат од кандидатите кои ќе се пријават.
Во огласот стои дека за посебниот советник за странски инвестиции потребни квалификации се стекнати најмалку 240 кредити според ЕКТС или завршен VI 1/1 степен, научно поле: Правни науки, активно познавање на англиски јазик и работно искуство од најмалку 5 години во струката. Тоа значи дека не се бара ниту економист за советникот за странски инвестии, ниту некои специфични работни искуства.
Бошкоски претходно се тврдеше дека има шанси да биде и министер во владата на Заев, но партијата ОМ не освои ниту едно пратеничко место. Сепак, нивната соработка со СДСМ е јавна и транспарентна.