Браун: Велика Британија ќе стане Северна Кореја, ако ја напушти Европската унија
Објавено во: Економија 10 Март, 2015
Ако ја напушти Европската унија, Велика Британија ќе се претвори во Северна Кореја на европскиот континент. Тоа го изјавил поранешниот премиер Гордон Браун, пренесува Ројтерс.
Според Браун Лондон е на пат да ја исфрли Германија како земја со најмоќна економија во следната деценија, но тоа би било изложено на опасност со излегување од ЕУ. Според него позицијата на премиерот Дејвид Камерон „половина внатре, половина надвор“ веќе доста е ослабена во меѓународното значење на земјата по прашања како кризата во Украина.
„Треба да ја кажеме вистината за 3-те милиони работни места, 25000 компании, 200 милијарди фунти годишен извоз и 450 милијарди фунти прилив на инвестиции поврзани со Европа“, напишал Браун во статија за британскиот весник „Гардијан“.
„И треба да поразговараме за тоа како варијантата Хонг Конг -“ излези од Европа, за да му се придружиш на светот“, всушност е варијантата Северна Кореја - надвор на студот, со малку пријатели, без влијание на нова трговија и дури уште помалку инвестиции“, пишува тој.
Минатиот месец една анкета покажала дека поддршката на Британците за останување во ЕУ е највисока во последните четири години, со 45% во корист на оние кои сакаат да останат во блокот.