Добивај вести на Viber
Сопругот на српската пејачка Лепа Брена, Бобан Живојиновиќ, за српските медиуми потврдил дека таа утрово доживеала несреќа, но не сообраќајна. За време на доручекот во Нови Винодолски, пред поаѓање за Макарска, Брена се лизнала и паднала, при што ја скршила раката.
По несреќата пејачката е хоспитализирана во болницата во Ловран. Иако заради повредите Брена ги откажа двата распродадени концерти што требаше да се одржат денеска и утре во Хрватска, српските медиуми, повикувајќи се на извори во тимот на пејачката, тврдат дека ситуацијата не е толку сериозна, како што се прикажува во хрватските медиуми.
Хрватските медиуми најпрвин објавија дека српската пејачка била повредена во сообраќајна несреќа, на пат кон Макарска.