Бренан: Методите на испрашување беа „одвратни“ но оправдани

Добивај вести на Viber

Директорот на Централната разузнавачка агенција (ЦИА), Џон Бренан, застана во одбрана на работењето и методите што службата ги користела за време на испрашувањата на осомничени лица за тероризам по терористичките напади од 2001 та година и истакнал дека благодарение на работата на агентите биле спасени голем број животи. Ваквиот негов став доаѓа по обвинувањата изнесени во извештајот на Сенатот каде било нагласено дека агенцијата користела нехумани техники и дека при тоа САД немале никаква корист од нивното работење. На конференцијата за новинари Бернан нагласил дека неговата служба покажала одлични резултати во спречувањето на нови терористички закани притоа покажувајќи одлучност во нивно спречување. Тој признал дека против заробениците биле користени неодобрени, а во некои случаи и „одвратни“ методи, но исто така потенцирал дека ЦИА „исправно постапила во голем број случаи“ во време кога многу тешко се доаѓало до било какви информации и сознанија. Бернан беше официјално лице во ЦИА за време на користењето на спорната програма.