БРИТАНЦИТЕ ГО ОДБИЈА МАДУРО: Што ќе прави со златото?
Објавено во: Економија 09 Ноември, 2018
Банката на Англија одбила да даде околу 550 милиони долари во злато, кои си ги бара Венецуела. Вака постапиле поради растечката несигурност за тоа што Каракас планира да направи со златните прачки.
„Постои загриженост дека венецуелскиот претседател Николас Мадуро може да го искористи златото, кое е во сопственост на државата, и да го продаде за лична корист", пишуваат дел од англиските медиуми, повикувајќи се на неименуван извор.
Британските власти инсистираат да се преземат мерки со цел спречување на перење пари, поради што инсистираат Венецуела да достави добро објаснување за своите намери.
Венецуела неодамна побара од Британија пристап до своето своето злато, но наводно испораката е запрена поради тешкотии околу безбедноста на превозот на толкав товар во злато.
Венецуела е во сериозна криза. Инфлацијата расте, а народот живее многу тешко. Пристапот до храна е ограничен.