Британија ќе претстави нова мерки за контрола врз имигрантите

Добивај вести на Viber

Нови мерки за контрола врз миграцијата ќе претстави денеска Британскиот премиер Дејвид Камерон, што имаат за цел да ги обесхрабрат имигрантите од Романија и Бугарија да се преместат да живеат во Велика Британија, откако на почетокот на следната година ќе се повлечат ограничувањата за патување и работа во земјата, пренесоа британските медиуми.

Камерон предвидува ограничување на пристапот до Националната здравствена служба на Велика Британија, а новите имигранти ќе треба да чекаат пет години пред да имаат право на социјален стан.

Казните за работодавачите, кои најмиле нелегални работници, ќе бидат двојно зголемени. Казни се предвидуваат и за наемодавачите кои на нелегални имигранти под наем ќе им дадат свој имот.

Повлекувањето на ограничувањата на Европската унија за слободно движење на Романците и Бугарите од следната година појави реакции на десничарски политичари, кои предупредија за опасноста од приближување на „орди“ гладни имигранти, кои ќе бараат социјална помош во Велика Британија во момент кога економијата е во застој и државните трошоци се намалени.

Имиграцијата се претвора во едно од главните стравувања на избирачите пред изборите во 2015 година, покажуваат социолошките истражувања.