Буџетските намалувања во Велика Британија може да траат до 2018 година

Добивај вести на Viber

Острите мерки за намалување на буџетот и на буџетската потрошувачка во Велика Британија, би можеле да се пролонгираат и во следните шест години и да траат до крајот на 2018, проценува угледниот лондонски Институт за фискални студии.

Тоа е многу подолг период од оној што го предвидуваше актуелната коалициска Влада на премиерот Дејвид Камерон, по преземањето на власта во мај 2010 година, но во најновиот извештај на Институтот, што е објавен денеска, се наведува дека Министерството за финансии и натаму се соочува со „голема празнина“ и со кусок на пари во буџетот на државата, што не може да надокнади со сегашните владини мерки. Тоа ќе наложи не само намалување на буџетот, туку и натамошно зголемување на даноците и воведување на нови.

Прв на удар, според Институтот, може да се најде данокот на додадена вредност (ДДВ), што од сегашните 20, би можел да се зголеми на 25 отсто. Тоа ќе предизвика раст на цените, засилена инфлација и натамошно зголемување на животните трошоци кои и сега не се мали и претставуваат товар за пошироките слоеви во британското општетство.

Експертите на Институтот за фискални студии, сметаат дека британската економија и натаму е кревка и бележи сосема слаб и речиси незабележлив раст, што ја усложнува вкупната економска состојба во државата.

Идниата недела британскиот министер за финансии, првпат ќе ги соопшти во Парламентот сегашните состојби од тоа ќе може да се навестат мерките што Владата има намера да ги преземе во следната година