Добивај вести на Viber
Ако Русија ја намали цената за увоз на нафтата и гасот, Бугарија ќе учествува во руско-италијанскиот проект за изградба на гасоводот „Јужен тек“.
Бугарската влада соопшти дека дозволила потпишување на договорот за вложување во овој проект, но доколку сускиот производител на природниот гас Газпром во текот на 2013. година на Бугарија да и испорача нови количини на гас.
Агенциите пренесоа информација дека бугарската влада барала и намалување на цената на увозот на рускиот гас, што моментално се плаќа за 472 долари за 1.000 метри кубни.
Изградбата на гасоводот „Јужен тек“, во должина од 3.600 километри, ќе овозможи пренесувањето на рускиот гас кон Западна Европа. Делот од гасоводот низ Бугарија е околу 540 километри, кој би чинел 3.3 милијарди евра.
Според планот треба да биде изграден до 2015. година и низ него ќе се транспортира 63 милијарди кубни метри гас.