ЦЕЛТА НА ОМИКРОН: Секој втор пациент во ковид-болница е над 70 години и сите се на кислород

Добивај вести на Viber

Иако омикрон дава многу поблага клиничка слика во споредба со претходните соеви, особено делта, болниците за ковид во Србија брзо се полнат, особено со постари пациенти на кои им е потребна кислородна поддршка. За среќа едно нешто во овој бран е попозитивно - омикрон „става“ помалку пациенти на интензивна нега.

Од почетокот на годинава во Србија официјално има над 200.000 новозаразени, а реалната бројка според епидемиолозите е многукратно поголема. Како што расте бројот на заразени, така се зголемува и притисокот врз болниците.

Полковник доц. д-р Иво Удовичиќ, командир на болницата Карабурма, изјави дека болницата е полна. Нагласи дека по Нова година имало голем притисок врз амбулантите и тријажните центри, но дека сега расте притисокот врз ковид болниците.

- И во Батајница расте бројот, а овие помали болници како нашата се веќе полни. Не знаеме што ќе се случува во следниот период. Влегуваме во критична фаза од овој бран. Најголем дел од пациентите се постари, а секој втор е над 70 години. Ова покажува дека фазата во која се заразуваат постарите лица е започната. Повеќето пациенти се на кислород, но има помал притисок на одделението за интензивна нега - изјави Удовичиќ за РТС.