Цените на нафтата го поминаа прагот од 54 долари
Објавено во: Економија 31 Декември, 2018
Забележан е скок на цената на нафтата.
Цените на нафтата денеска го пречекорија нивото од 54 долари за барел, следејќи го закрепнувањето на пазарите на акции по сигналите за напредок во трговските преговори меѓу САД и Кина.
На лондонскиот пазар цената мартовските испораки на барелот од северноморската мешана нафта од марката Brent во 13,30 часот се зголеми за 2,67 отсто, на 54,83 долари. Февруарските фјучерси на нафтата од марката WTI скокнаа за 2,27 отсто, на 46,36 долари за барел. На американскиот пазар цената на барелот беше поголема за 66 центи отколку на затворањето на претходниот трговски ден, и изнесуваше 54,05 долари.
Организацијата на земјите извонички на нафта (OPEC) ниту во понеделникот утрото не ја објави цената на барелот на референтната кошница своја нафта во петокот, поради новогодишните праници во австриската престолнина Виена, каде што е седиштето на картелот.
Во последното тримесечје имаше пад на цените, откако САД неочекувано одобрија изземања од санкциите за најголемите купувачи на иранска нафта. Цените на двата водечки светски пазари на нафта во овој квартал се намалија за повеќе од третина, најсилно од четвртото тримесечје во 2014 година.