ЦЕНИТЕ СКОКААT: Градот Берлин купи 6.000 станови
Објавено во: Економија 27 Септември, 2019
Цените на недвижностите во Германија растат. Во вториот квартал од оваа година во просек цените биле повисоки за 5,2 проценти од минатата недела при што најмногу растат цените во големите градови, oбјави Заводот за статистика на Германија.
Најизразен пораст на цените во големите градови е во Берлин, каде цените во последните години драматично се зголемија. Пред осум години, просечната цена за метар квадратен на двособен стан изнесуваше 1.400 евра, а во 2018 година бил дури 4.000 евра.
„Посебно се зголемија цените на семејните куќи (10 проценти), станови (8,6 проценти) во седумте најголеми германски градови, Берлин, Хамбург, Минхен, Келн, Франкфурт, Штутгарт и Дизелдорф“, објаснуваат од Заводот за статистика.
Новиот тренд се рефлектира и во руралните подрачја, каде цените на квадратите во последните години се зголемија за 4,2 проценти.
Експлозијата на цените на недвижнините, експертите ја поврзуваат со поволната економска состојба, а на растот влијаеле и ниските камати за станбени кредити, со што се зголеми инвестицијата во недвижнини.
Градот Берлин купи повеќе од 6.000 станови што некогаш му припаѓале на градот од компанија за недвижнини со цел да го намали притисокот врз берлинскиот пазар на недвижности.