Часовникот на Apple ќе биде универзален далечински управувач!
Објавено во: Стил 12 Октомври, 2013
iWatch ќе се обиде да ги избегне грешките на конкурентските уреди , кои играат улога на непрактичен додаток за паметен телефон. Apple е на пат да го претстави првиот часовник во историјата. Со него компанијата сака да и возврати на Samsung и да понуди на своите клиенти лесно средство за контрола над целата компатибилна домашна електроника , пишува Venturebeat.com .
Наместо да тргне по истиот пат како корејски колеги , чија креација беше наречена од специјалистите како „безмилосно непрактичен " додаток на паметен телефон, уредот на Apple ќе биде позициониран во сосема друг сегмент .
Преку него ќе можете да се контролира мултимедијален систем , температурата на клима , домашниот аларм , енергетската ефикасност на системот за греење и уште многу други работи .
Идејата за " универзален далечински управувач" звучи крајно интересно , имајќи предвид дека смислата на постоењето на " паметните часовници " отсекогаш била малку сомнителна . Тие секогаш биле само прилог на smartphone , што го поставува прашањето зошто ви треба часовник ако имате телефон на неколку сантиметри од рака .
Главниот проблем на часовниците беше постојаното добивање на известувања што ги тера носителот често да гледа во часовникот . Создавањето на уред кој е навистина " паметен " и неговите апликации се протегаат надвор од постојаниот прилив на статуси и твитови е многу Apple - ски пристап , велат аналитичарите.
Апликациите за спорт и фитнес ќе бидат дополнети со целосна домашна автоматизација , што го прави миксот на функции уште попривлечен .
Apple TV , исто така ќе биде дел од " коктелот " , како и сите уреди што поддржуваат интернет конекција.
Главниот предизвик пред Apple е подготвеноста на потенцијалниот пазар за сличен уред . Домашна техника станува автоматизирана , но извештаите на компаниите покажуваат дека голем дел од корисниците се уште не се подготвени да платат повисока цена.
