Чешка се бори со невработеност и корупција

Добивај вести на Viber

Чесите се најнезадоволни од корупцијата и економскиот криминал во земјата.

Според последното истражување на СТЕМ, на 83 проценти од граѓаните не им се допаѓа криминалот во стопанството, а на 9 од 10 луѓе им пречи корупцијата.

Најголем број од чешките граѓани (83 проценти) не се задоволни и од големиот процент на невработеност, 74 отсто од ставот на јавните финансии и 73 проценти сметаат дека постои социјална несигурност.

Наспроти тоа, Чесите по повеќе од 20 години од падот на комунизмот најпозитивно ја оценуваат понудата на разновидни стоки и услуги. Дури три четвртини тоа го сметаат за предност.

Повеќе од половината анкетирани, 58 проценти сметаат дека културните активности се на задоволително ниво, а чувствуваат напредок и во давањето транспортни услуги (45 проценти) и гледаат подобрување во односите со другите земји (46 проценти).

Бројот на луѓе кои се задоволни со животната средина, во споредба со претходната година се намалил за четири проценти и сега изнесува 41 отсто. Истражувањето покажува дека луѓето кои го оценуваат својот животен стандард како добар, се изјаснуваат подобро и за повеќето области на општествениот живот, освен за корупцијата и стопанскиот криминал.