Четири лица приведени за престрелката во Мала Речица
Објавено во: Македонија 06 Април, 2018
Четири лица се приведени досега за престрелката што се случи вчера во Мала Речица. Во вооружениот инцидентубиен е Неип Реџепи од огранокот на ДУИ во Куманово.
Меѓу повредените лица, според очевидци, е и братот на Неип, Сабри Реџепи, кој, наводно, се здобил со лесна повреда на ногата.
Причините за престрелката во моментов се непознати, а се очекува денеска МВР на прес-конференција да соопшти повеќе детали во врска со случајот. Демократската унија за интеграција (ДУИ) во соопштение до медиумите ги демантираше информациите дека во седиштето во Мала Речица имало пресметка или инцидент.