Чувар на бели мечки – хонорарна работа за голема заработка
Објавено во: Стил 03 Мај, 2013
Чувар на бели мечки на норевшката островска група Свалбард во Арктикот. Може ли тоа да биде привлечна хонорарна работа во летниот период?
Доколку имате навика да кампувате во шатор, имате искуство со бели мечки и можете да пукате прецизно од огнено оружје во случај тоа да биде неопходно, тогаш можете да биде кандидат за споменатото работно место.
Норвешкиот државен орган кој се грижи за Свалбард, бара чувар на бели мечки кој треба да се погрижи тие да не го вознемируваат персоналот што во текот на три недели летово ќе ги реновира ловечките колиби во областа Хорнсунд, каде што ови диви животни се дефинитивно побројни од луѓето.
Платата која се нуди е исклучително добра. Годишната бруто плата изнесува 348.500 норвешки круни (преку 45.000 евра), плус т.н. „поларен додаток“, чиј износ во огласот за вработување не е наведен.
Заинтересираните кандидати треба да ги достават своите молби до 27 мај, а вработувањето започнува од 8 јули, пишува шведскиот весник „Дагенс нихетер“.
