ЦИА со директен одговор - Не ги организираме протестите во Иран
Објавено во: Свет 08 Јануари, 2018
Мајк Помпео, директорот на ЦИА, во интервју за американската ТВ мрежа „Фокс њуз“ изрично посочи дека американската централна разузнавачка агенција не стои зад протестите во Иран, ниту пак е организатор на истите.
– Тоа е народот на Иран, тие тоа го покренаа барајќи подобри услови за живот и прекин на теократскиот режим, изјави Помпео. Директорот на ЦИА исто така предвидува дека ќе има нов бран на насилство при наредните протести кои Иран ќе се обиде жестоко да ги задуши.
Претходно високи државни функционери на Иран обвинија дека странски служби ги мотивирале демонстрантите и дека зад нив стојат главните непријатели како Израел, САД, но и Саудиска Арабија.Всушност протестите во Иран започнаа по кревањето на цените на повеќе прехрамбени продукти, големата епидемија со птичјиот вирус, социјалната неправда и новиот државен буџет кој нема да ја развие економијата туку ќе пренасочи милијарди долари кон верските теолошки движења за демагогија и пропаганда.