Ципрас бара поголема поддршка за договорот со Македонија-ќе ја добие ли од грчките пратеници?

Добивај вести на Viber

Владата на грчкиот премиер Алексис Ципрас очекува договорот за спорот за името на Република Македонија да биде одобрен од најмалку 180 пратеници. Ова е објавено од страна на неколку портали во Грција. Во парламентот во Атина има 300 пратеници. Владејачкото мнозинство на премиерот Ципрас има 154 пратеници. В

ладата во моментов разговара за тоа како, откако Договорот ќе влезе во Националното собрание, да добие поддршка од 180 пратеници.

„Ако се постигне договор со ПЈРМ, соработниците на премиерот разгледуваат варијанти како тој да биде поднесен во парламентот и да биде одборен, но не со просто мнозинство. Дебатите имаат за цел да се зголеми мнозинството на 180 пратеници. Ова е потребно бидејќи станува прашање за меѓународен договор и тој не треба да биде усвоен со просто мнозинство", соопштува грчкиот портал in. 

Друг грчки портал Eurotoday прецизира: 

Нема уставна обврска грчкиот премиер да бара поддршка од 180 пратеници, но како што објаснува еден негов соработник, решавање на едно национално прашање кое стои нерешено веќе 25 години, не треба да се зема со обично мнозинство". Грчкиот министер за надворешни работи Никос Коѕијас заврши со консултациите со политичките партии во земјата. Тој детално информираше за текот на преговорите меѓу властите во Скопје и Атина.

На 12-ти април се очекува нов состанок меѓу македонскиот министер за надворешни работи Никола Димитров и Никос Коѕијас кој ќе се одржи во Охрид, во Република Македонија.