„Coca-Cola“ и „WWF“ си поставија смели еколошки цели

Добивај вести на Viber

Компанијата „Coca-Cola“ продолжува да го унапредува својот одржлив развој, поставувајќи си нови, смели еколошки цели, преку обновеното партнерство со „World Wildlife Fund“ (WWF) и „WWF International“.

Овие амбициозни цели, кои ги надополнуваат останатите заложби на Coca-Cola за општествена благосостојба, се фокусираат на одржливо управување со вода, енергија и употреба на амбалажа за пакување, како и одржлива набавка на земјоделски состојки до 2020 година.

„Ние во Coca-Cola сме длабоко посветени, преку соработка со партнерите, да се соочиме со нашите колективни предизвици во врска со животната средина и одговорно да управуваме со глобалните ресурси“, рече Мухтар Кент, претседател и главен извршен директор на „Coca-Cola“. „Соочувајќи се со глобалното намалување на ресурсите и растечката побарувачка за храна и вода, мора да бараме решенија кои носат взаемна корист за бизнисот, заедниците и природата“, заклучи Кент.

Од 2007 година, „Coca-Cola“ и „WWF“ работеа заедно на зачувување и заштита на слатководните ресурси во целиот свет и на подобрување на ефикасноста на операциите на Coca-Cola.

„Сведоци сме на невидена побарувачка за природни ресурси во целиот свет. Ако продолжиме по старите теркови се става под ризик, вклучувајќи ја и одржливоста на бизнисот,“ изјави Картер Робертс, претседател и извршен директор на „WWF“. „Овие проблеми може да се решат само со заедничка работа, а нашата работа со „Coca-Cola“ покажа дека соработката може да го засили и забрза влијанието што ни треба“.

Во рамки на обновеното и проширеното партнерство, „WWF“ ќе ја поддржи „Coca-Cola“ во остварување на новите цели за одржливост на животната средина до 2020 година, кои вклучуваат:

1. Подобрување на ефикасноста при користење на водата за 25%. Оваа цел се надградува на веќе подобрената ефикасност во користењето на водата во производството од 21,4% постигната во периодот од 2004 до 2012 година.

2. Поддршка во обезбедување здрави и одржливи слатководни системи.

„Coca-Cola“ и „WWF“ ќе ги прошират своите заеднички напори за заштита на 11 региони на пет континенти, вклучувајќи ги речните сливови на Амазон, Рио Гранде, Замбези, сливот на Големиот корален гребен и др.

3. Намалување на емисиите на CO2 за 25%. „Coca-Cola“ ќе работи на намалување на испуштањето т.н. стакленички гасови во целокупниот производствен синџир.

4. Одговорно набавување на суровини за својата амбалажа. Ова ќе и овозможи на „Coca-Cola“ компанијата да ја оствари својата цел да користи до 30% растителнa суровина за сите свои ПЕТ пластични шишиња до 2020 година.

5. Одржлива набавка на клучните земјоделски состојки. „Coca-Cola“ ќе работи на одржлива набавка на клучните состојки, вклучувајќи шеќерна трска, шеќерна репка, пченка, портокал, манго, лимон, грозје, јаболко, чај, кафе и други земјоделски состојки неопходни за производство во целиот Coca-Cola систем.

Покрај целите поддржани од партнерството со „WWF“, „Coca-Cola“ ги потврди и разви своите цели за надоместување на водата и поврат на пакувањата. Овие цели вклучуваат:

6. Надоместување на 100% од употребената вода. „Coca-Cola“ ќе ја врати третираната вода од своите производствени процеси назад во природата и ќе ја надомести водата која се користи во готовите пијалаци преку продолжување на тековните проекти во повеќе од 100 земји.

7. Достигнување на стапката од 75% поврат на шишиња и лименки. Компанијата ќе продолжи да ја намалува количината на материјал и енергијата која се користи при пакување и ќе продолжи да работи со индустријата и локалните организации за да воспостави основни информации и да го зголеми повратот и рециклирањето на амбалажата на пазарите во земјите во развој.