Црногорците организираат маратон во лежење

Добивај вести на Viber

„Лежи лебу да те јадам, крени се ќебе да легнам“ - Оваа „химна“ на Црногорците која преку шали се провлекува како дел од нивниот менталитет ќе се слушне под небо на етно-селото „Монтенегро“ во Брезни кај Плужин на 3 август на традиционалната „олимпијада во лежење“ под сенките на стогодишните дабови дрвја.

Најдобрите и најупорните одмарачи во лежечка положба и оваа година ќе се натпреваруваат за титулата првак на Црна Гора. Победникот во оваа единствена дисциплина го чека премија од 300 евра, 100 повеќе од минатогодишниот шампионат.

Црногорската олимпијада покрај „џабелебарошите“ како што ги нарекуваат тамошните медиуми, ќе се натпреваруваат и во брзо пишување на пораки и „црногорскиот маратон“ од „дури“ 50 метри, пишува Вјести.

Олимпијадата која е закажана за 3 август, започнува со изложба на фотографии на Добрислава Бајовиќ под името: „Каде можеме да одмараме во дебела ладовина и пивски крај“.

После тоа главниот збор го превземаат натпреварувачите. Што се однесува до натпреварувачите правилата се исти како и претходните две години и се е дозволено освен станување.

Еден од сопствениците на етно-селото Милонија Благојевиќ, која митот за мрзеливоста ја претворила во туристичка манифестација, се надева дека  оваа година натпреварувачите ќе бидат уште поупорни и дека ќе го соборат минатогодишниот рекорд, а наградата за повеќечасовно лежење, покрај пехарот се и 300 евра.

„Со оваа симпатична манифестација Црна Гора ја претставуваме како земја чиј народ има смисла за хумор. Настанот ја претставува нашата земја на оригинален начин и влијае на тоа луѓето да слушнат за Црна Гора и да не посетат“ рекол организаторот.

 „Маратонецот“ кој прв ќе стаса на челта после истрчани 50 метри ќе добие 50 евра, а толку е предвидено и за победникот на омилената „дисциплина“ на младите пишување пораки. Тука се и пехарите и адекватните медали.