Д-р. Беќаровски: И по прележувањето на ковид можете да бидете трансмитер на заразата
Објавено во: Македонија 05 Јануари, 2021
Токсикологот,
проф.д-р. Нико Беќаровски во неговиот последен пост на Фејсбук појаснува дека дури
и оние кои го прележале вирусот и кои успешно се избориле со болеста, може да
бидат и понатаму трансмитери, заради што придржувањето кон актуелните мерки е
од исклучителна важност.
Многумина прележани од Covid-19 ми го поставија следново прашање :
"Дали може по контакт со заболен, прележаните од Covid-19 со формиран имунитет, да го пренесуваат вирусот??"
Почитувани мои, создадениот имунитет Ве заштитува Вас при нов контакт со Sars-Cov-2 вирусите Вашиот организам да се избори со вирусот, ама не претставува влезна рампа на Вашиот нос. Со други зборови, ако влезете во соба преполна со вируси и престојувате таму подолго време, Вие со дишењето ќе внесете голема количина од вирусот во Вашиот нос и ако потоа веднаш излезете и се дружите со некој кој не прележал ќе може да го заразите.
ТОКМУ ЗАТОА и по прележувањето можете да бидете трансмитер, иако Вие нема да заболите.
Затоа, со цел да ја заштите Вашата околина се препорачува придржување кон мерките за физичка дистанца и по прележувањето на болеста.