Добивај вести на Viber
Токсикологот професор д-р Нико Беќаровски со интересен политичи предлог до пратениците од земјава.
„Ве замолувам сите заедно, сплотени, уште на првата собраниска седница, исполнете му ја желбата на г-динот Радев и уште еднаш да ја покажеме познатата македонската широкоградост.
Со внесувањето на Бугарите во нашиот Устав, ќе се направи јасна и неповратна дистинкција меѓу Македонците како конститутивен народ и Бугарите како малцинство во нашата држава, т.е како два различни народи со различна историја и развој.
Воведувањето на бугарскиот јазик во сите општини каде живеат повеќе од 20 отсто Бугари, по автоматизам ќе значи дека се работи за јазик различен од македонскиот.
И за крај уште две бонус мерки, за да не се јават нови вештерки.
Со оглед на "бројноста" на ова малцинство може да одиме и чекор подалеку од официјалното барање и сите Бугари во Македонија да ги внесеме во Уставот со свое име и презиме. Со овој гест на добрососедство, нашиот Устав би се зголемил само за неколку стотини нови зборови.
За да не се "мачиме" дополнително, да ги внесеме во Уставот и сите останати блиски и подалечни народи“, пишува д-р Беќаревски на својот фејсбук профил.