Да нема повеќе дилеми – Граѓаните отсега ќе имаат увид колку потрошиле за вода и парно

Добивај вести на Viber

Граѓаните и фирмите првпат ќе имаат можност да направат проверка на своите броила за парно и вода. Балкан енерџи груп (БЕГ) набави лабораторија за испитување мерила на топлинска енергија и течности, единствена од ваков вид во Македонија, соопштија од компанијата. Најголем корисник на лабораторијата вредна 200 илјади евра, се очекува да бидат компаниите кои ги греат скопјани, БЕГ, ЕЛЕМ Енергетика, Топлификација Скопје Север, како и јавните комунални претпријатија. Преку лабораторијата, корисниците на нивните услуги, граѓани или фирми кои од некоја причина се сомневаат во исправноста на мерилата поставени во нивните домови и комерцијални објекти, лично ќе можат да се уверат во исправноста. Информации за можностите за соработка со лабараторијата ќе може да се побараат преку е-маил цонтацтЖбег-дистрибуција.цом.мк и телефон 025514031. Технички, со опремата која е набавена ќе може да се испитуваат, механички, ултразвучни и електромагнетни водомери за ладна и топла вода, сензори за проток на вода, отпорнички термометри и термометри со течност во стакло, како и компактни и раздвоиви мерила на топлинска енергија. Новата лабораторија ќе ги намали трошоците за испитување на мерилата на БЕГ и другите компании кои до сега мораа да се испитуваат и калибрираат во странски лабаратории. Тоа ќе придонесе за намалени опративни трошоци.