„ДА СИ ДОЧЕКАМЕ ПАК ДА СИ ЈА КРСТИМЕ МАКЕДОНИЈА“: На актерот Јовановски му фалат времињата кога ја истражуваше нашата „чудесна земја“
Објавено во: Македонија 01 Октомври, 2024
Актерот Владо Јовановски кој беше еден од осудените за упадот во Собранието на 27 април, на неговиот фејсбук профил објави фотографија од периодот кога токму тој беше ангажиран во епизодите „Истражи ја Македонија“, во кои се претставуваа природните убавини на нашата земја.
„Време пред политичкиот потоп и пред големите национални предавства!
Времиња кога ја истражувавме нашата "чудесна земја", која тогаш се викаше Р. Македонија и која со гордост ја изговаравме.
Да си дочекаме пак да си ја крстиме Македонија, која од памтивек се именува така, а и во библијата беше крстена!
А на "некрстените" кои и го променија името, Господ да им суди за злосторството што ни го направија на нас Македонците!“, напиша тој на фејсбук.