„ДАЈТЕ БРЕ ДА ЖИВЕЕМЕ“: Левица остро за јавниот превоз во Скопје - „го уништивте градот и државата за лично богатење!“

Добивај вести на Viber

Јавниот превоз во главниот град и понатаму ја бранува јавноста. И покрај бројните укажувања дека потребна е обнова на автобусите, и покрај најавата дека тоа ќе се случи во мандатот на сегашната градоначалничка, процесот целосно е блокиран откако „мајката“ на Скопјани и партијата која ја поддржа да дојде на градоначалничката позиција се скараа. 

И покрај бројните апели од градоначалничката Данела Арсовска, да се стави на дневен ред на гласање одлуката за набавка на нови автубуси, тоа претседателот на Собранието, Трајко Славески, од редовите на ВМРО- ДПМНЕ редовно го одложува, за што реагираше и самата градоначалничка. 

Во меѓувреме граѓаните на Скопје, наместо како во метропола, уживаат во јавен превоз кој скоро и да го нема. Со саати се чека превоз и на топло и на ладно. 

На оваа тема регираа и од опозициската „Левица“, кои пак тврдат дека и покрај тоа што ВМРО и СДСМ се спротивставени партии, заедно се „против граѓаните“. 

- Цел советнички мандат во Град Скопје посочувавме кон итноста за набавката на нови автобуси и закрепнување на јавниот превоз. Цел мандат ДПМНЕ и СДС - сијамските близнаци, постојано гласаат ПРОТИВ набавката на нови автобуси - и вчера можеше да се случи трагедијата кон која слепо и сигурно одиме!