ДАЛИ ПОЗНАТИОТ НЕВРОХИРУРГ ФИЛИПЧЕ Е МОЖЕН НОСИТЕЛ НА ЛИСТА ВО ИЗБОРНА ЕДИНИЦА 4? - чествување во Прилеп, се подготвува ли теренот за негово лансирање
Објавено во: Македонија 29 Февруари, 2024
На фејсбук страницата која е означена како фан страна на д-р Венко Филипче е споделена објава за синоќешното одбележување на 80 годишнината од загинувањето на народниот херој Кузман Јосифовски Питу.
Чествувањето е направено во присуство на бројни членови на Сојузот на борците во родниот град на Питу, Прилеп.
Она што е интересно, е дека ова е по подолго време појавување во јавноста на д-р Венко Филипче за тема која не е директно поврзана со медицината.
Оваа објава ја споделија и бројни поддржувачи на владејачката СДСМ на социјалните мрежи.
Со оглед што Прилеп припаѓа на Изборна единица 4, а Филипче извесен период наназад често престојува во Струмица, дали ова ги подгрева шпекулациите дека познатиот неврохирург и поранешен министер за здравство е пик број 1 односно можен носител на изборната листа во оваа изборна единица во која припаѓаат Прилеп, Струмица, Кавадарци, Неготино, Радовиш, Гевгелија, Богданци и Валандово.
Н.Н.Ф.