Дали Европа е загрозена од сценарио од 1938 година? Карл Билд дава драматично предупредување за преговорите за Украина

Добивај вести на Viber

Карл Билд, поранешен шведски премиер и долгогодишен дипломат, се прашуваше на платформата X дали она што се случи во пресрет на Втората светска војна може да се повтори.

„Дали се движиме кон Минхен 2.0? Во 1938 година, Обединетото Кралство и Франција ја принудија Чехословачка да му предаде клучна територија на Хитлер. Резултатот? За неколку месеци, Чехословачка престана да постои, а набргу потоа, во Европа избувна целосна војна“, напиша Билд на X, пренесува Index.hr.

Што е Минхенскиот договор?

Минхенскиот договор беше потпишан на 30 септември 1938 година од Германија, Италија, Велика Британија и Франција, без присуство на чехословачки претставници. Договорот одлучи дека Чехословачка мора да ѝ го предаде Судетскиот округ на Германија.

Британците и Французите го претставија како победа за мир, но всушност беше отстапка кон Хитлер. Чехословачка ги загуби своите природни одбранбени граници и голем дел од својата воена индустрија, што ја скрши воено и политички.

Хитлер не застана тука – во март 1939 година го окупираше остатокот од Чешка, додека Словачка стана номинално независна, но во пракса германски сателит.

Are we heading towards a Munich 2.0? In 1938 UK and France forced Czechoslovakia to hand over key territory to Hitler. The result? Within months Czechoslovakia ceased to exist, and within a further few months there was all out war in Europe. pic.twitter.com/zLwcyKbVzu

— Carl Bildt (@carlbildt) August 9, 2025

Зеленски ги отфрла територијалните отстапки

Билт се прашува дали слично сценарио може да се случи и во случајот со Украина. За потсетување, Блумберг вчера објави дека САД и Русија се стремат да постигнат договор за прекин на војната во Украина, што би ја зацврстило окупацијата на териториите што Москва ги зазеде за време на воената инвазија.

Волстрит журнал, повикувајќи се на европски и украински претставници, пишува дека рускиот претседател Владимир Путин е подготвен да ја запре војната ако ја добие источна Украина.

Во меѓувреме, украинскиот претседател Володимир Зеленски повторно ги отфрли територијалните отстапки за прекин на војната со Русија, повикувајќи се на уставот на земјата. „Украинците нема да му ја дадат својата земја на окупаторот. Одговорот на украинското територијално прашање е веќе во Уставот на Украина. Никој нема да отстапи од него“, рече тој.