Дали изолацијата ќе се скрати на седум дена?
Објавено во: Македонија 21 Јануари, 2022
Препорачано е скратување на изолацијата на седум дена, а Владата за ова прашање ќе одлучува во вторник.
Комисијата за заразни болести препорачува изолацијата на лица позитивни на коронавирусот од десет дена да се намали на седум дена. Ова денеска го најави министерот за здравство Беким Сали.
„Врз основа на следењето на трендот на одлуки кои се донесени во различни држави, кои се релевантни и се земаат за пример за споредување и врз основа на нашиот Институт за јавно здравје кој ги добива на дневна база податоците, одлуката на Комисијата е изолацијата од десет дена да се намали на седум дена“, изјави Сали за ТВ Сител.
Болничките капацитети во земјава за ковид пациенти се исполнети околу 60 отсто. Секој ден во земјава има од 1.000 па до скоро 2.000 заразени со вирусот. Во соседна Грција веќе стигна и подваријантата на омикрон.foto freepik.com