ДАЛИ ЌЕ СЕДИМЕ ПО ЧЕТВОРИЦА НА ИСТА МАСА - денеска ќе пресече Комисијата за заразни болести

Добивај вести на Viber

Комисијата за заразни болести денеска трреба да пресече дали ќе биде дозволено во локалите, односно во кафулињата и рестораните, на иста маса да седат и по четворица госрти, и покрај тоа што не се од исто семејство.

Министерот за економија Крешник бектеши порача дека какви и да бидат препораките на Комисијата, Владата ќе ги почитува, бидејќи тоа е принцип што е усвоен од самиот почеток на пандемијата.

Комисијата на денешниот состанок ќе треба да одлучи и дали на локалите ќе им биде дозволено да работат и после 22 часот.

Кога станува збор за локалите, како што е познато угостителите бараат измени на точките 8 и 9 од протоколот за работа на угостителските објекти, а со кои се поставуваат условите или на една маса да седат по двајца, или четворица, но само ако се од исто семејство.

Министерството за економија веќе испрати барање до комисијата овие точки да бидат променети. 

„МЕ прати писмо до Комисуијата за заразни болести и очекуваме тие да ни одоговорат. И за тоа и за продолжување на работата по 22 часот, Комисијата треба да заседава денеска, согласно информациите од министерот за здравство Венко Филипче, и тие за својата одлука навреме ќе информираат. Од наша страна се барани измените, сум информирам дека денеска на состанок на комсијата ќе се дискутира нашето барање, но ќе ја почитуваме перепораката на Комисијата. За протоколите воспоставивме принципи дека сите протоколи ќе мора да се усвојат од Комисијата. МЕ и коморите мпожат да предложат протоколи, но мора да се усвојат од Комисијата за заразни болести“, дециден е министерот Крешник Бектеши. 

Фактор веќе пишуваше за овие барања на угостителите, бидејќи на овој начин се принудени да ги враќаат гостите, и така трпат загуби во нивната дејност. 

Н.Н.Ф.