ДАЛИ МИЦКОСКИ ЌЕ ГО ВРАТИ ИМЕТО - МАКЕДОНИЈА? Еве каков одговор даде премиерот
Објавено во: Македонија 09 Октомври, 2024
Во гостувањето кај Стефан Лазаров, премиерот Христијан Мицкоски доби прашање дали ќе го врати името, на што премиерот не даде конкретен одговор.
„Јас бев првиот уште во 2019 година кој што кажуваше дека Преспанскиот договор е реалност. Од друга страна кога доаѓате на оваа позиција имате два избори- ризикувате да сте изолиран и вториот - играте на создавање пријатели, а за да создадете пријатели тоа значи да ги почитувате Уставот и законите. Заклетвата којашто ја дадовме ја кажавме со придавката затоа што заклетвата е дел од Уставот и Законот. Јас како Претседател на Влада не можам да ги почитувам законите а кога не ми одговара да не ги почитувам. Дали јас се согласувам- не се согласувам, дали ќе оставам оганот да гори и еден ден таа неправда да биде исправена-да ќе оставам, рече Мицкоски.
Лазаров му кажа на премиерот дека во јавноста се создаде чувство дека доколку тие дојдат на власт ќе го најдат решението за овој случај, на што Мицкоски одговори дека за него Македонија е Македонија, но дека за жал таа е реалноста и оти мора да ги дефинираме целите.
„Нема поголемо понижување, но дали на некои настани тоа ќе значи да добиеме друго како држава, како народ, ќе треба тоа да го направиме, да ќе го направиме за да добиеме многу поголема работа, рече Мицкоски.