Даниловски вели дека е потребен викенд карантин
Објавено во: Македонија, Корона Вирус 03 Април, 2021
Потребен е викенд карантин за да се одморат здравствените работници, вели за Канал 5, епидемиологот Драган Даниловски.
Тој смета дека сепак треба да се воведат дополнителни рестриктивни мерки. Вели дека врвот на третиот бран може да го очекуваме за две недели, некаде кон средината на април. Смета дека полицискиот час од 22 часот дал резултати, затоа што без него кој знае колкав ќе беше бројот на заразени и починати. Даниловски рече дека нашиот народ живее нездраво и дека токму затоа Ковид-19 зема толку жртви.
„Тие се затвораат по кафеани, на домашни седенки, во обложувалници. Не се движат надвор, на свеж воздух. Повеќето се пушачи, нездраво се хранат и тоа се фактори придонесуваат болестите да имаат потешка слика“, вели д-р Даниловски.
Вчера починаа 50 луѓе како последица на коронавирусот.