Децата ќе мора да бидат вакцинирани и во „Мини фини буџетчиња“
Објавено во: Македонија 04 Јануари, 2019
И децата од градинката „Мини фини буџетчиња“ која ги згрижува најмалите на вработените во истата зграда на Министерството за финансии ќе мора да бидат вакцинирани од мали сипаници, по налог на Државниот санитарен инспекторат.
Од таму доцна синоќа испратиле решенија до 21 јавна установа за згрижување деца во предшколска возраст и до пет приватни градинки дека е забрането да примаат деца кои не се вакцинирани со вакцината за морбили, рубеола и паротит, објави СДК.
Од Министерството за финансии рекле дека таму се згрижуваат 50-тина деца, но дека не можат толку бргу да потврдат дали сите се вакцинирани.
Името „Мини фини буџетчиња“ наиде на потсмев во јавноста, откако тогашниот министер за финансии Зоран Ставрески ја отвори во 2015-та.
Министерот Тевдовски денеска на прес-конференција потврди дека неговите деца одат во јавна градинка, но не во „Мини фини буџетчлиња“.