ДЕМИРИ ЗА ЛЕКУВАЊЕТО НА ЛЕОНИД ИНДОВ: Ќе се распрашам и ќе видам дали е финализирано плаќањето
Објавено во: Македонија 22 Април, 2024 16:14
Владата донесе заклучок со кој ги презема трошоците за лекувањето на Леонид Индов.
„Владата на една од изминатите седници донесе заклучок со кој ги презема трошоците за лекување на Леонид Индов“, потврди денеска министерот за здравство Илир Демири.
Вели дека е даден налог и тоа треба да е завршено како процедура и да е финализирано.
„Сепак, утре има седница на Влада, ќе се распрашам и ќе видам дали е финализирано плаќањето за лекувањето на нашиот сограѓанин Леонид Индов“, рече Демири.
Кон крајот на минатиот месец Демири се сретна со семејството на Леонид кој се повреди на летување во Калитеа во Грција и остана врзан за кревет.
Првостепената комисија на Фондот за здравствено осигурување (ФЗОРСМ) го одби барањето за лекување на младиот Леонид Индов во болница во Австрија затоа што според Правилникот на ФЗОРСМ за начинот на користење здравствени услуги на осигурените лица во странство медицинска рехабилитација не е на товар на Фондот.
Сепак, државата сѐ уште не го платила лекувањето на Леонид Индов во Австрија, а семејството моли за реакција.
Ако не се платат 140 илјади евра до почетокот на мај, тогаш младото момче ќе мора да се врати во Македонија, вели неговиот татко во разговор за Телма.
Можеби ќе ве интересира
АКО ПАТУВАТЕ КОН ГРЦИЈА НЕ ОДЕТЕ НА ГРАНИЧНИОТ ПРЕМИН ЕВЗОНИ - најавени нови блокади, еве кога
Дејан Манасков приведен во Охрид поради физички напад на противнички тренер
Од фирма од Битола до невладина од Скопје: кој стои зад „Зимзоленд“
ЌЕ СЕ ОДЛАГА ПРИМЕНАТА НА ЗАКОНОТ ЗА АДМИНСТРАТИВЦИ – службите не се подготвени, но додатоците на плата ќе се зголемат
СЕКОЈА ЗЕМЈА ИМА СВОИ ТОП СУВЕНИРИ: Што најчесто купуваат странците во Македонија?
Одреден е притвор за Стафа, а Љупчо Пецов - Ѓаволот е лицето за кого се обидел да поткупи судија
Отворен граничниот премин Богородица по четири часа блокада
Филипче повторно повика пратениците да ја потпишат декларацијата на СДСМ за мигрантите
МАКЕДОНИЈА ИМА СИЛА ДА БИДЕ НОРМАЛНА ЗЕМЈА: Тошковски вели дека сме станале вистински Европјани
