Денес родителите од Кочани ќе предводат протест од плоштад „Македонија“ во Скопје

Добивај вести на Viber

Денес попладне со почеток во 12:05 часот, ќе се одржи 30-тиот протестен марш под мотото „Марш за ангелите“ пред почетокот на судењето на судењето за обемниот случај по пожарот во дискотеката „Пулс“ во Кочани.

Настанот ќе започне од плоштадот „Македонија“ и ќе продолжи кон Собранието и Кривичен суд, соопштија организаторите од иницијативата „Кој е следен?“ заедно со „Здружение на граѓани 16ти Март 2025“ од Кочани.

„Свесни сме дека патот до правда ќе биде долг и тежок, исполнет со отпор и искривени намери. Но ако ја пронајдеме заедничката точка на сплотување и ако застанеме еден до друг, системот нема да има друг избор освен да постапи онака како што бара народот“, велат организаторите во своето соопштение.

Маршот предвидува неколку говори и обраќања пред Собранието и Кривичниот суд, додека на самиот почеток на плоштадот „Македонија“ ќе бидат дадени две централни изјави од организаторите.

Од иницијативата упатија повик за масовно присуство, нагласувајќи дека единството и јавниот притисок се клучни за исполнување на целите на протестите.