ДЕСЕТ ГОДИНИ ОД НАПАДОТ ВО ДИВО НАСЕЉЕ: Куманово им оддава почит на загинатите полицајци
Објавено во: Македонија 09 Мај, 2025 16:49
Се навршија 10 години од крвавите настани во кумановско Диво насеље, каде упадна терористичка група од Косово.
Куманово денеска им оддаде почит на загинатите припадници на безбедносните сили кои на 9 мај 2015 година загинаа во антитерористичката акција во Диво Насеље. Во црквата „Свети Никола“ имаше панихида.
„Во чест на десетгодишнината од трагичниот настан на 9 и 10 мај, со длабока почит се сеќаваме на осумтемина припадници на безбедносните сили кои храбро ги положија своите животи. Нивната жртва, постхумно одликувана со медали за храброст, останува вечен симбол на непоколеблива посветеност и несебично служење“, напиша на Фејсбук, градоначалникот на Куманово, Максим Димитриевски.
Тој посочува дека годишнината носи силна порака достоинствено сеќавање, оддавање заслужена почит но и работа кон иднина ослободена од такви трагедии – иднина на мир, стабилност и заедништво.
Во нападот загинаа 8 полицајци, но и 10 членови на терористичката група. Два дена имаше пукотници во Куманово.
Загинаа Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ, кои посмртно се одликувани со медали за храброст. Во пресрелката имаше и 37 повредени припадници на безбедносните сили.
Во чест на загинатите во кругот на СВР Куманово има и спомен-плоча.
Дел од учесниците во нападот, добија доживотен затвор, а другите се осудени на затворски казни по 40 години, 20, 12 години затвор.
Можеби ќе ве интересира
„НА КЛИНИКА ЗЕМАВ 200 ЕВРА, ВО ГЕРМАНИЈА НАД 4.000, ГОРДА СУМ ШТО СУМ МЕДИЦИНСКА СЕСТРА“: Професија во криза, но барана низ светот
ЦЕНИТЕ НА ЦРЕШИТЕ ГИ ШОКИРАА КУПУВАЧИТЕ: Ќе имаме ли домашни и колку ќе чинат?
ЌЕ СЕ СРЕТНЕЛ СО МИЦКОСКИ ДА МУ ЈА ОБЈАСНИ ВИСТИНСКАТА СЛИКА: Се огласи Таравари
„ЦЕЛО ВРЕМЕ ИМАЛЕ ТАЕН ДОГОВОР ЗА СОРАБОТКА“: Се огласи Меџити
„ПОЛИЦИСКИ ЕКИПИ, УЈП, ДПИ И ОСТАНАТИ ИНСПЕКЦИИ ДЕНЕС ГО ТЕРОРИЗИРААТ КОЧАНИ, НА РАЗГОВОР ПОВИКАН РОДИТЕЛ НА ЖРТВА“: Костовски обвинува
„ТРАМПАА БАЈАДЕРИ ЗА КОРНИШОНИ“: Димитриевски вели државата не смее да биде монета за поткусурување
МУЦУНСКИ БЕШЕ ВО ЦРКВА ВО ШВЕДСКА: „Бев на утринска литургија“
СЕ ЧЕКА ЗАВРШНО ПИЕЊЕ КАФЕ СО ТАРАВАРИ: „Се враќа во прегратките на Али Ахмети“, вели Мицкоски
„ВРЕМЕВО Е ЛУДИЛО, КАКО ЗИМА ДА ЧЕКАМЕ“: Попоски предупредува на невообичаена снежна покривка на планините
