Девет супер-милијардери што возат „евтини“ брендови
Објавено во: Стил 01 Септември, 2018
Богатиот инвеститор и ко-основач на Мајкрософт, Пол Ален, вози најевтино возило меѓу супер-милијардерите, објави CNBC. Иако поседува 20,2 милијарди долари, вози Mazda B-Series, која стандардно чини 7.090 долари. Станува збор за листа од девет тајкуни кои се единствени што покажуваат скромност кога станува збор за автомобил.
Ништо „полош“ не е ниту магнатот за малопродажба Џим Волтон, кој има двојно повеќе пари од Ален ,а вози „само малку“ поскап автомобил од него. Неговото богатство вреди 45, 2 милиони долари, а има Dodge Dakota од 8,845 долари.
Основачот на Алибаба, Џек Ма, е на третата позиција. Има моќ од 34,8 милиони долари, а се служи со Roewe RX5 SUV од 15.000 долари.
Сопственикот на Амазон и најбогат човек на светот Џеф Безос има 154,2 милијарди, а користи Honda Accord од 16.995 долари.
Останатите пет милијардери кои возат условно евтини, односно брендови што не се луксузни се Стив Балмер ( Ford Fusion Hybrid), Марк Закерберг (Acura TSX), Лари Пејџ (Toyota Prius), Сергеј Брин (Toyota Prius) и Мајкл Блумберг (Chevrolet Suburban).
