Деветнаесет амбасадори седнуваат на столчињата во испразнетите позиции-меѓу нив и Талески
Објавено во: Македонија 12 Декември, 2019
Атина, Белград, Загреб, Тирана, Брисел, Москва, НАТО, Совет на Европа (Стразбур), ОН (Женева), Доха, Прага, Њу Делхи, Рим, Тел Авив, Копенхаген, Ватикан, Приштина и Пекинг се дестинациите за кои се назначени амбасадори.
Одлуката е утврдена на затворена владина седница која се одржуваше денеска а од истата станува јасно дека се работи за деветнаесет предлози.
Меѓу нив е и досегашниот советник на премиерот Зоран Заев за надворешна политика, Дане Талески кој ќе ја превземе испразнетата амбасадорската позиција во НАТО.
Владата во вторникот брифираше дека Талески е кандидатот кој ќе ја пополни оваа клучна позиција во момент кога земјата наскоро очекува да стане 30. членка на НАТО. Талески, досегашен советник за надворешна политика на премиерот Зоран Заев, наедно е и Национален координатор за НАТО.
Листата ќе биде доставена до Претседателот на државата Стево Пендаровски.