ГО ПРЕЖИВЕАЛА МАСАКРОТ НА ХАМАС: Видела како силуваат девојка, а потоа го осакатуваат нејзиното тело
Објавено во: Свет 10 Ноември, 2023
Девојка која го преживеала масакрот на Хамас на 7 октомври на фестивалот во Израел, вели дека видела како терористите силувале девојка пред да ја убијат и да го осакатат нејзиното тело, пишува The Telegraph.
Хамас парадираа со некои од заложниците како што беше девојката Шани Лук од Германија, за која потоа се потврди дека е убиена и дека била обезглавена.
Истражителите собрале докази дека Хамас силувале жени пред да ги убијат.
Членовите на групата Зака, кои први пристигнаа на местото на масакрот и ги собраа телата на убиените на фестивалот, исто така рекоа дека виделе тела на млади жени со знаци на малтретирање.
Израелските власти размислуваат дали да ги обвинат терористите на Хамас за силување, откако некои сведоци зборуваа за случаи на масовно силување на местото на фестивалот „Супернова“ во близина на Појасот Газа.