Добивај вести на Viber
Припадниците на џихадистичката организација Нусра Фронт, по дводневни борби со сириската војска успеаа да заземат воена база во провинцијата Идлиб, на северозапад во земјата, соопштува Сириската опсерваторија за цовекови права.
Организацијата, чие седиште е во Лондон, соопштила дека членовите на Фронтот Нусра, група поврзана со Ал Каеда, рано утринава ја зазеле базата Вади Деиф, пренесува агенцијата „AP“.
Во текот на вчерашниот ден бунтовниците во борбите со сириската армија успеале да заземат седум контролни пункта во близина на базата Вади Деиф како и непосредно околу базата Хамидиј, кои официјално беа под контрола на сириските сили.
Од Опсерваторијата додаваат дека само во текот на вчерашните борби загинале најмалку 15 сириски војници и осум џихадисти.