Џо Бајден: „Северен поток 2“ е лоша зделка за Европа
Објавено во: Економија, Свет 25 Август, 2016 16:45
Гасоводот „Северен поток 2“ е „лоша зделка“ за Европа, изјави денеска за време на посетата на Шведска потпретседателот на САД Џо Бајден.
„Ниту една земја не треба да ја користи енергијата како оружје“, рече тој на прес-конференција во Стокхолм.
Тој додаде дека „Европа мора да го прошири својот енергетски пазар“и ги повика Европејците „да го истражуваат ова прашање“, бидејќи „проектот Северен поток 2 може да ја дестабилизира Украина“.
Гасоводот беше договорен минатата година меѓу „Газпром“ и неговите европски партнери и ќе преминува преку Балтичкото Море од Русија до Германија.
Голем број земји од Источна Европа, сепак, како и САД, велат дека гасоводот ќе ги ограничи рутите за снабдување, а со тоа и енергетската безбедност на ЕУ, која добива една третина од гасот од Русија, забележуваат агенциите.
На прес-конференцијата денес Бајден потсети исто така, дека Европејците сега имаат можност да купуваат и течен природен гас од САД.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
